Расман! "Милан" Сандро Тоналини сотиб олди

"Милан" ўзининг расмий сайти орқали "Брешия" ярим ҳимоячиси Сандро Тоналини сотиб олганини эълон қилди.

Юқоридаги манбага кўра, 21 ёшли италиялик футболчи “россонерилар” билан 2026 йилга қадар шартнома имзолаган.

Бундан аввалроқ “Милан” Тонали учун "Брешия"га ярим ҳимоячи Жакомо Ольцера ва унга қўшимча 12 млн евро тўлаши ҳақида хабарлар тарқалган эди.

Тонали ўтган мавсумни "Милан" сафида ижара асосида ўтказди. У ўтган давр мобайнида жами 37 та ўйинда иштирок этди.