Саида Маҳмудова ҳамда унинг шогирдлари маҳорат сабоқларида иштирок этди

Ўзбекистон стол тенниси федерацияси томонидан мамлакатимизда навқрон авлод ўртасида спортнинг стол теннис турини янада оммалаштириш борасида кўплаб самарали ишлар олиб борилмоқда.

Ушбу ишлар доирасида Ўзбекистон стол тенниси федерацияси раиси Саида Маҳмудова томонидан бугун пойтахтимиздаги бир қатор мактабгача таълим муассасаларида мазкур спорт тури бўйича Ўзбекистон терма жамоаси аъзолари билан биргаликда маҳорат сабоқлари ўтказилди.

– Бундан кўзланган мақсадимиз болаларимизнинг стол тенниси билан янада кўпроқ шуғулланишларини таъминлаш ва бунинг натижасида уларнинг саломатликларини янада мустаҳкамлашдир, — дейди Саида Маҳмудова. – Биз сўнгги йилларда федерациямиз томонида ёшларни мазкур спорт турига ошно қилиш бўйича бир қатор ишлар олиб бормоқдамиз. Ўйлайманки, бугун ташкил этилган маҳорат сабоқлари болаларда стол теннисига қизиқиш уйғотади. Энг муҳими эса улар ёзги таътил кунларида спорт билан шуғулланиб, вақтлари мазмунли ўтади.

photo_2018-07-06_12-18-35

photo_2018-07-06_12-18-17

photo_2018-07-06_12-18-06

photo_2018-07-06_12-18-13

photo_2018-07-06_12-18-26

Фикрлар

Фикр қолдириш учун авторизациядан ўтинг!