Хави "Барселона" билан боғлиқ саволга жавоб қайтарди

"Ал-Садд" бош мураббийи Хави Эрнандес "Барселона" билан боғлиқ саволга жавоб қайтарди. Маълумки, испаниялик мутахассис Рональд Куманнинг ўрнини эгаллаш учун асосий номзод бўлиб турибди. 

"Эътиборимни "Ал-Садд"да ишлашга қаратганман. Бошқа нарса ҳақида гапиришни истамайман", - деди Эрнандес. 

Испания матбуотининг хабарига кўра, Хави Қатар клуби раҳбарияти билан шартномани бекор қилишга келишиб олган. 

Эслатиб ўтамиз, Хави ўз вақтида футболчи сифатида каталанияликлар билан кўплаб совринлар ютишга эришган.