Йўқ, саудиялик футболчилар жазоланишмайди

Саудия Арабистони Футбол Федерацияси терма жамоа футболчиларининг ЖЧ-2018 1-турида Россия термасидан қабул қилиб олинган (0:5) йирик мағлубият туфайли жазога тортилишлари борасида хабарларни инкор этди.

Учрашувдан сўнг Саудия Арабистони Спорт қўмитаси раҳбари Турки Ал-Шайҳ футболчилар ўзларидан талаб қилинган нарсанинг 5 фоизини ҳам бажармаганлигини айтиб, танқид қилган эди.

Шундан сўнг, “Ал-Араби” телеканали мамлакат раҳбарлари футболчиларни жазолашлари борасида хабарлар тарқатган эди.

Бироқ федерациядагилар бу хабарларни буткул инкор этди. “Мағлубият – бу бутун жамоанинг даражасини кўрсатади”, – дейилади расмий ахборотда.

Жамоа аъзолари келгуси ўйинларда яхши натижаларга эришиш учун хатолар устида ишлашга ваъда беришди.

Фикрлар

Фикр қолдириш учун авторизациядан ўтинг!