Агар Неймар ПСЖдан кетса, ўрнига Роналду келади

Франциянинг ПСЖ клуби ўз етакчиси Неймарнинг ўрнига муносиб номзод топиб қўйди. Миш-мишларга қараганда 26 ёшли бразилиялик футболчи "Парк де Пренс"га кўчиб ўтганидан жуда афсусланмоқда.

Агар юқоридаги ҳолат сабаб Неймар Париждан кетадиган бўлса, Франция чемпионлари ўз сафларига “Реал” форварди Криштиану Роналдуни қўшиб олишлари мумкин. Ўз навбатида “Саньтяго Бернабеу”даги маошидан нолиётган 33 ёшли португалиялик футболчи учун ПСЖнинг таклифи маъқул келиши мумкин. Парижликлар Роналдуни дунёнинг энг кўп маош олувчи футболчисига айлантиришга тайёр.

Эслатиб ўтамиз, бундан аввалроқ ПСЖ Неймарни “Реал”га эмас, “Манчестер Юнайтед”га сотиши мумкинлиги ҳақида хабарлар тарқалган эди.