Гол урмаган Мане энг яхши футболчи бўлди

“Ливерпуль” клуби ҳужумчиси Садио Мане УЕФА талқинига кўра “Манчестер Сити”га қарши (2:1) бўлиб ўтган ЕЧЛ чорак финал жавоб баҳсининг энг яхши футболчиси деб топилди.

26 ёшли футболчи мерсисайдликларнинг ЕЧЛ ярим финалига чиқишида катта ҳисса қўшди. Гарчи сенегаллик футболчи “Этиҳад”да ўтказилган беллашувда гол урмаган бўлса-да, у ўйиннинг энг яхши футболчиси сифатида тан олинди.

Эслатиб ўтамиз, “Ливерпуль” илк ўйинда “Манчестер Сити”ни 3:0 ҳисобида, иккинчи ўйинда эса 2:1 ҳисобида таслим қилди.