Это'О "Васко да Гама"га ўтиши мумкин

Туркиянинг “Антальяспор” клуби ҳужумчиси Самуэль Этo’О фаолиятини Бразилияда давом эттириши мумкин. Sport.es хабарига кўра, 36 ёшли футболчи учун “Васко да Гама” клуби қизиқиш билдирмоқда.

Бразилия клуби вакиллари камерунлик футболчи билан учрашгани айтилмоқда. Этo’Онинг турк клуби билан шартномаси мавсум сўнггида якунига етади ва у текинга “Васко да Гама”га ўтиши мумкин.

Маълумот учун, Этo’О бу мавсум Туркия чемпионатида 15 баҳсда майдонга тушди ва 6 та гол киритиб, 3 та голга ассистентлик қилди.