Левандовски "Бавария"да Мюллернинг кўрсатгичини такрорлади

Мюнхеннинг “Бавария” клуби форварди Роберт Левандовски айни дамда Бундеслиганинг 22- тури доирасида бўлиб ўтаётган “Шальке-04”га (2:1,танаффус) қарши баҳсда ўз ҳисобига гол ёздириб қўйишга эришди.

Эътиборлиси, 29 ёшли польшалик футболчи шу тариқа “Бавария”нинг кетма-кет 11та уй учрашувида гол уришга эришди. У бу кўрсатгич борасида афсонавий Герд Мюллернинг рекордини такрорлади. Айтиш лозимки, Мюллер фаолияти давомида бундай кўрсатгични икки марта (1967/68 ва 1969/70) қайд этган.

Маълумот учун, Левандовски жорий мавсум Бундеслигада жами 20та учрашувда иштирок этиб, ўз ҳисобига 19та гол ҳамда 1та голли узатма ёздириб қўйишга эришган.