Oksana Chusovitinaga omad tilaymiz

Xabar berganimizdek, ayni kunlarda Qatar poytaxtida sport gimnastikasi bo‘yicha jahon kubogining navbatdagi bosqich bellashuvlari bo‘lib o‘tmoqda. 

Musobaqaning bugungi kun bellashuvlari biz uchun ahamiyatli. Boisi unda ishtirok etayotgan hamyurtimiz Oksana Chusovitina o‘zi yoqtirgan tayanib sakrash yo‘nalishida finalda ishtirok etadi. Eng kuchli sakkiz nafar sportchilar orasida u musobaqaning amaldagi g‘olibi sifatida qatnashadi. O‘tgan yilgi turnir Oksana uchun muvaffaqiyatli yakunlangan edi. Umid qilamizki, bu gal ham afsonamiz chempionlik an’anasini davom ettiradi.