АҚШга кетаётган Торресни японлар "йўлдан уришмоқчи"

Япониянинг "Саган Тосу" клуби ўз сафига "Атлетико" форварди Фернандо Торресни қўшиб олмоқчи. Бу ҳақда Marca нашри хабар тарқатмоқда.

Унга кўра японлар 34 ёшли испаниялик футболчига йиллик 4 млн евро маош таклиф қилишмоқда.

Эслатиб ўтамиз, бундан аввалроқ Торресга “Чикаго Файр”, “Хьюстон Динамо”, “Монреаль Импэкт” ва “Канзас Сити” каби АҚШ жамоалари ҳам жиддий қизиқиш билдиришаётгани ҳақида хабарлар тарқалган эди.

Маълумот учун, ёзда Торреснинг “Атлетико” билан шартномаси ўз якунига етади ва у жамоани эркин агент сифатида тарк этади.