Альбина қаттиқ курашди
Ўзбекистонлик теннисчи Альбина Хабибулина Халқаро теннис федерацияси томонидан Тунисда ўтказилаётган халқаро турнирнинг саралаш босқичида иштирок этди.
Мукофот жамғармаси 15 минг АҚШ доллари бўлган "Hammamet-2015" халқаро турнирининг асосий тўрига чиқиш учун курашган ҳамюртимиз дастлабки учрашувда швециялик Ребекка Эхнни 6:3, 6:0 ҳисобида мағлуб этган.
Асосий тўр йўлланмаси учун бўлган навбатдаги баҳсда швейцариялик Чиара Фраполли билан рақобатлашган ҳамюртимиз учрашувни 6:2, 6:4, 6:1 ҳисобида бой берди ва мусобақани тарк этди.
Фикрлар