Аллегри “Арсенал” билан келишиб олди ва у ёзда жамоани қабул қилиб олишга тайёр

Туриннинг “Ювентус” клуби бош мураббийи Массимилиано Аллегри Лондоннинг “Арсенал” клуби билан оғзаки келишувга эришган. Бу ҳақда Daily Express нашри хабар бермоқда.

Юқоридаги манбаанинг ёзишича, италиялик мутахассис “канонирлар” раҳбарияти билан ўтган йилнинг сўнггида музокаралар олиб борган ва у жамоани бошқаришга тайёр.

Энди сўз навбати Арсен Венгерда қолмоқда. Раҳбарият франциялик мутахассисга 2 йиллик янги шартнома таклиф қилган ва мана шу ой сўнггига қадар унинг жавобини олиши кутилмоқда. 

Ўз навбатида Аллегри "Арсенал"да ўзига керак бўлган футболчилар рўйхатини тузиб чиқмоқда. Месут Ўзил рўйхатнинг асосий қисмида турибди. Қолаверса, у "Лацио" ярим ҳимоячиси Сергей Милинкович-Савични ҳам "Арсенал"га олиб келмоқчи.