Ана холос! Клопп “Барселона”да?!

Англиянинг “Ливерпуль” клуби бош мураббийи Юрген Клопп айни дамда ўзига мураббий қидиришни бошлаб юборган “Барселона” жамоаси раҳбариятининг назарига тушган. Аниқроғи, каталонияликларнинг шорт-листида 49 ёшли немис мутахассиси ҳам бор. Бу ҳақда The Mirror нашри хабар тарқатмоқда.

Айтиш керакки, ҳафта бошида Парижда бўлиб ўтган ўйинда учралган шармандали мағлубиятдан сўнг, ҳеч ким мавсум якунлангач Луис Энрикенинг жамоада қолишига ишонмаяпти.

Эслатиб ўтамиз, аввалроқ Лионель Мессининг отаси Хорхе Месси “Барселона” бошқарувига “Севилья” устози Хорхе Сампаоли номзодини тавсия қилаётгани ҳақида хабар берган эдик.