Ана холос: "Цементчи" "Нефтчи"га айлантирилди

Бугун Фарғона вилояти ҳокимиятида вилоят футбол ассоциацияси ходимлари, вилоятдаги профессионал футбол клублари раҳбарлари ҳамда мураббийлари иштирокида йиғилиш ўтказилди. Бу ҳақда "Цементчи" матбуот хизмати хабар бермоқда. Унда Суперлигада қатнашиши аниқ бўлган “Нефтчи”нинг тақдирига ойдинлик киритилди.

Хабарда айтилишича, шу кунга қадар “Нефтчи”ни бошқариб келган барча мутахассисларга жавоб бериб юборилиб, “Цементчи” жамоасида ёрдамчи бўлиб ишлаб келган Сергей Ковшов “Нефтчи” бош мураббийи этиб тайинланди. Унга "Цементчи" жамоасида бош мураббийилик килиб келаётган Абдумалик Ҳакимов, шу жамоада жисмоний тайёргарлик бўйича мураббий бўлган Илхом Зайлобитдинов, "Нефтчи" клубидан ягона мутахасис Баҳром Ҳайдаровлар ёрдам берадиган бўлишди. 

“Нефтчи” клуби раиси лавозимига эса шу кунга кадар "Цементчи" жамоасини президенти хисобланган Муйсинжон Меҳмонов Дадажонович тайинланди.

Цементчи” жамоаси куригида булиб турган барча ўйинчилар “Нефтчи”га ўтишди. Ҳозиргача "Нефтчи" таркибида ҳаракатланаётган футболчиларнинг бундан кейинги такдири эса қоронғулигича қолмоқда.