“Australian open-2017”: Серена финалда опасини кутмоқда
Жаҳоннинг иккинчи рақамли теннисчиси америкалик Серена Уильямс Австралия очиқ чемпионатининг финалига йўлланма олди.
Ярим финалда хорватиялик Мирьяна Лучич-Барони билан рақобатлашган америкалик ракетка устаси рақибасини осонгина таслим этди. Атиги 50 дақиқа давом этган баҳсда Серена 6:2, 6:1 ҳисобида зафар қучди.
Айни пайтда Серена Уильямс финалда опаси Винусни кутмоқда.
Бугун Винус Уильямс иккинчи ярим финалда ўз ҳамюрти Коко Вандевеге билан рақобатлашади. Ушбу баҳсда ким ғолиб чиқишидан қатъий назар Австралия очиқ чемпионатининг бош соврини АҚШ теннисчиларидан бирига насиб этади.
Фикрлар