Азиз Ғаниев: Хавини Қаршида кутган эдик...

Аввал хабар берганимиздек бугун “Ал Садд” – “Насаф” учрашуви олдидан матбуот анжумани ўтказилди. Матбуот анжуманининг дастлабки қисмида "аждарлар" устози Рўзиқул Бердиев билан бирга иштирок этган ярим ҳимоячи Азиз Ғаниев эртанги муҳим баҳс олдидан ўз фикрларини билдириб ўтди.

"Биз эртага бўладиган ўйинга яхши тайёргарлик кўрдик. Рақибимизнинг қандай ўйин кўрсатиши бизга маълум. “Ал Садд”нинг кучли ҳужумчилари бор. Биз рақибимизни ҳурмат қилган ҳолда ижобий натижани қўлга киритиш уринамиз. Мухлисларимиз биздан шуни кутишмоқда.

Хавига қарши ўйнаш? Хавидек футболчига қарши ўйнаш ҳар бир футболчи учун шараф. Биз Хавини Қаршида кутган эдик. Аммо у келмади. Такрор айтаман, рақибимиз сафида ким ўйнашидан қаттъий назар, биз эртага ижобий натижани қўлга киритиш учун ўйнаймиз", - дейди Ғаниев.