Азизбек Абдуғофуров: Эртага навбатдаги нокаутни расмийлаштирмоқчиман

6 январь, 14:00 1113

Азизбек Абдуғофуров: Эртага навбатдаги нокаутни расмийлаштирмоқчиман


Эртага, 7 январь куни профессионал боксчимиз Азизбек Абдуғофуров (3-0-0, КО 3) ўзининг Малайзиянинг Жоҳор штатида ташкил қилинадиган бокс кечасида навбатдаги жангини ўтказади.

Ўтган йилнинг май ойида профессионал фаолиятини бошлаган боксчимиз шу вақтга қадар уч марта рингга кўтарилиб, уларнинг барчасида нокаут билан ғалаба қозонган

24 ёшли Азизбек Абдуғофуров анчайин тажрибали бўлган индонезиялик Александер Вахавага қарши рингга кўтарилади. Бу боксчи профессионал рингда жами 47 та жанг ўтказиб, шулардан 41тасида (14 нокаут) зафар қучган бўлса, 2 мағлубият ва 4 дуранг қайд этган.

azizbek_abdugafurov

Мазкур жангга тайёргарлик яхши ўтди. Нокаутлар сериясини давом эттиришни хоҳлайман. Индонезиялик боксчи кўп жанг ўтказган ва бирз тажрибалироқ. Аммо барчасини эртанги жанг ҳал қилади, – дейди Азизбек SPORTS.uz интернет-порталига.

Боксчимиз шунингдек, барча юртдошларимизни кириб келган Янги йил йил табриклади.

2016 йил Ўзбекистон спортчилари учун жуда омадли йил бўлди. Буни боксчилар йили деса ҳам бўлади. 2017 йил ҳам Ўзбекистон спортчиларига ҳамда халқимизга омадли йил келишини чин юракдан тилаб қоламан. Барча боксчилар номидан халқимизга тинчлик-ҳотиржамлик, сиҳат-саломатлик ва 2017 йил ҳаммамиз учун омад олиб келишига тилакдошман.

Qudratullo Abduqahhorov

Шунингдек, мазкур бокс кечасида яна бир енгилмас боксчимиз Қудратилло Абдуқаҳҳоров (8-0-0, КО 5) фаолиятидаги 9-жангини филиппинлик Ромео Жакосалемга (18-13-1, КО 10) қарши ўтказса, кечанинг учинчи жангида филиппинлик боксчилар Жесон Умбал (11-5-0, КО 8) ва Гадбин Тубигон (14-12-2, КО 9) ўзаро баҳс олиб боришади.

Биз ҳам боксчиларимизга омад тилаб қоламиз.

warning