Банега "Севилья"га қайтганини эълон қилди

Миланнинг “Интер” клуби ярим ҳимоячиси Эвер Банега фаолиятини “Севилья”да давом эттиради. Гарчи бу ҳақдаги хабар 27 июнь куни эълон қилинган бўлсада, ҳар иккала клуб ушбу трансферни расман тасдиқлашмаган эди. Бироқ, Банеганинг ўзи янги мавсумни андалусияликлар таркибида бошлаши ҳақида хабар берди.

Таъкидлаш керакки, аргентиналик футболчи “нерадзуррилар” сафига бундан бир йил муқаддам айнан “Севилья”дан кўчиб ўтган эди.

Эслатиб ўтамиз, 28 ёшли футболчи ўтган мавсум жами 33та учрашувда иштирок этиб, ўз ҳисобига 6та гол ёздириб қўйишга эришган.