"Барселона" Луис Энрике билан шартномани узайтиради
"Барселона"нинг Испания чемпионатида "Реал"дан ортда қолаётгани ва Европа чемпионлар лигасида ПСЖдан қақшатқич мағлубиятга учраганидан сўнг жамоа бош мураббийи Луис Энрикега танқидлар ёғилиб кетди.
Ҳатто жамоа етакчиси Лионель Месси футболчилар билан келишган ҳолда жамоани қабул қилиб олишни "Манчестер Сити"ни бошқараётган Хосеп Гвардиолага таклиф қилишгача борди.
Бироқ, Каталония клуби раҳбариятини фикри бошқача бўлиб чиқди. Клуб презмденти Хосеп Мария Бартомеу бош мураббий билан шартнома узайтирилишини маълум қилди.
- Асосий мақсадимиз Луис Энрике билан шартномани узайтиришга эришиш, - деди Хосеп Мария Бартомеу. - У катта ҳажмдаги ишни бажармоқда. Бизда уни алмаштириш режаси йўқ. Апрелда янги шартнома бўйича музокарани бошлаймиз.
"Барселона" Ла лигада "Реал"дан иккита ўйин кўп ўтказган ҳолда бир очкога ортда қолмоқда.
Фикрлар