"Барселона" мухлислари учун ҳушхабар! Дембеле "Реал"га қарши баҳсда иштирок эта олади

Каталониянинг “Барселона” клуби ҳужумчиси Усмон Дембеле жароҳатидан тўлиқ фориғ бўлди ва айни дамда жамоанинг умумий гуруҳ машғулотларида тўлақонли иштирок этмоқда.

Marca нашри тарқатган хабарга кўра жамоа шифокорлари 20 ёшли франциялик футболчини 23 декабрь «Сантьаго Бернабеу»да бўлиб ўтадиган “Реал”га қарши баҳсда иштирок этишини инкор этишмаяпти.

Шунингдек, Дембеленинг эртага “Депортиво”га қарши бўлиб ўтадиган баҳсда иштирок этиш эҳтимоли ҳам мавжуд.

Маълумот учун, Дембеле жорий мавсум Ла Лигада 2та учрашувда иштирок этиб, 1та голга ассистентлик қилишга эришган.