"Бавария" Рафиньяни сотмоқчи эмас

Аввалроқ Лондоннинг “Челси” клуби бош мураббийи Антонио Конте “Бавария” ҳимоячиси Рафиньяга жиддий қизиқиш билдираётгани ҳақида хабар берган эдик.

Bild нашрининг маълум қилишича, “аристократлар” бу борада аллақачон немис грандига таклиф билан чиқишган, бироқ мюнхенликлар тажрибали футболчисини сотишни исташмаган.

Аниқроғи, бунга жамоа бош мураббийи Карло Анчелотти қаршилик қилмоқда. Италиялик мутахассис Рафиньяни Жошуа Киммих ва Давид Алаба каби асосий таркиб футболчиларининг ўрнига муносиб номзод сифатида кўрмоқда.

Таъкидлаш керакки, янги мавсум аввалида Рафиньянинг ўзи ҳам Филип Лам фаолиятини якунлагач энди кўпроқ ўйин амалиётига эга бўлишига умид қилаётгани ҳақида айтиб ўтган эди.