Бахтиёр Намозов пляж футболи бўйича Осиё чемпионатида ишлайди
Ўзбекистонлик ФИФА рефериси Бахтиёр Намозов пляж футболи бўйича Осиё чемпионати–2017 мусобақасида ишлаш учун таклиф олди.
Пляж футболи бўйича Осиё чемпионати шу йилнинг 4–11 март кунлари Малайзиянинг Теренггану шаҳрида бўлиб ўтади. Унда 13 мамлакат терма жамоаси, шу жумладан, Ўзбекистон ҳам иштирок этади.
Регламентга кўра, ҳар бир гуруҳ ғолиби ҳамда гуруҳда иккинчи ўринни эгаллаган энг яхши битта жамоа ярим финалга чиқади.
Мусобақа 1–3 ўринларни эгаллаган терма жамоалар пляж футболи бўйича Багам оролларида шу йилнинг 27 апрель – 7 май кунлари ўтказиладиган Жаҳон чемпионатига йўл олади.
Фикрлар