Бугун Сурия - Ўзбекистон учрашуви. Бирлашиш вақти келди

Осиё минтақасидан ЖЧ-2018 турнирига саралаш босқичи “А” гуруҳи иккинчи даврасига бугун, 23 март куни старт берилади. Унда Ўзбекистон миллий терма жамоаси сафарда Сурияга қарши баҳс олиб боради.

• Рақибимиз Сурия термасининг ЖЧ-2018 саралашидаги иштирокига оид 10 та факт

Мазкур баҳсда Самвел Бабаян шогирдлари кўк формада майдонга тушади. Сурия термаси эса қизил либосда майдонда ҳаракат қилади. Кеча терма жамоамиз учрашувда иштирок этиш учун Куала-Лумпурдан Мелаккага кўчиб ўтган эди.

• ЖЧ–2018 саралаши. Сурия – Ўзбекистон учрашуви превьюси

Бугунги баҳсда футболчиларимизга омад тилаб, қўллаб-қувватлашда давом этайлик. Зеро, қолган бешта ўйинда очко йўқотиб бўлмайди. Неча йиллик орзуларимиз амалга ошишига ишонайлик, бирлашайлик. Бунинг учун барча бир ёқадан бош чиқариши зарур. Ахир улар бегона эмас, ўзимизнинг терма жамоа. Бугун танқидни бир четга суриш лозим, мураббийлар, футболчилар ғалабани биздан ҳам кўпроқ исташади ва улар имкон берайлик. Барчаси яхши бўлишига умид қилайлик.

• Ўзбекистон термаси нейтрал майдонда қандай ўйнаган?
• ЖЧ-2018 саралаш босқичи. Бизникилар жойлашган гуруҳ статистикаси

Эслатиб ўтамиз, ушбу баҳс Малакка шаҳридаги 40 минг мухлисга мўлжалланган Hang Jebat Stadium майдонида ўтказилади. Ўйин маҳаллий вақт билан 20:00 (Тошкент вақти билан 17:00)да старт олади.