“Челси” футболчиси фаолиятини “Зенит”да давом эттириши мумкин

Лондоннинг “Челси” клуби ҳимоячиси Бранислав Иванович фаолиятини Россия премьер-лигасида давом эттириши ҳам мумкин. Сербиялик футболчнинг хизматларига Санкт-Петербургнинг “Зенит” клуби жиддий қизиқиш билдирмоқда.

Goal.com нашрининг хабар қилишича, 32 ёшли футболчига "Зенит"дан ташқари Англиянинг ўзидан ҳам бир нечта жиддий таклифлар бўлмоқда. Маълумотларга кўра футболчининг келажак тақдирига яқин кунлар ичида ойдинлик киритилади.

Таъкидлаш керакки, “Челси”нинг Ивановични сотиб юборишига асосий сабаб Курт Зуманинг жароҳатидан тузалганлиги ва Натан Акенинг яна жамоа ихтиёрига келиб қўшилганлигидир. Сербия терма жамоаси аъзосининг “аристократлар” билан амалдаги шартномаси мавсум сўнггида ўз ниҳоясига етади.

Аввалроқ, Иванович билан “Эвертон” клуби жиддий қизиқаётганлиги ҳақида хабар берган эдик.