Дрогба фаолиятини якунлаб, "Челси"да ишламоқчи

Кот д'ивуарлик футболчи Дидье Дрогба футболчилик фаолиятини якунлаш ҳақида ўйламоқда. Машхур форвард катта футболдан кетгач, Лондоннинг “Челси” клуби тизимида фаолият олиб боришни режалаштирмоқда.

Globo Esporte нашрининг маълум қилишича 38 ёшли футболчи ўзининг келажак ниятлари ҳақида “Коритнтианс” клуби президенти Роберто де Андраде билан суҳбат чоғида айтиб ўтган. Таъкидлаш керакки, Бразилия жамоаси қишки трансфер пайтида Дрогбани ўз сафига қўшиб олишни режалаштирган, бироқ, якунда “Коритнтианс” футболчидан рад жавобини олган эди.

Маълумот учун, Дрогба “Челси” сафида 2004-2012 ва 2014-2015 йилларда тўп сурган.