Головкин ва Альварес тўқнашувида ғолиб номи аниқланмади (фото)

  • 17 сентябрь, 2017, 09:28
  • 0
  • Бокс

Бироз аввал Лас-Вегасда ташкил қилинган бокс кечасининг асосий жанги якунига етди. Ушбу белашувда ўрта вазн тоифасининг WBA (Super), WBC, IBF ва IBO камарлари соҳиби қозоғистонлик Геннадий Головкин ва мексикалик Сауль “Канело” Альварес билан куч синашди.

Қизиқарли кечган жангда мухлислар қизиқарли ва муросасиз тўқнашув гувоҳи бўлишди. Дастлабки дақиқаларда мексикалик боксчи фаоллик кўрсатган бўлса, 4-раундга келиб, Головкин устунликни қўлга олди.

Қолган раундларда ҳам боксчилар навбати билан ўз устунликларини намойиш этишди ва жанг якунида дуранг қайд этилди.

Ҳакамлар қарорига кўра, 113-115, 118-110, 114-114 ҳисоблари қайд этилди.

Эслатиб ўтамиз, мазкур жангда боксчилар Головкин эгалик қилиб келаётган барча чемпионлик камарлари – WBC, WBA (Super), IBF ва IBO учун кураш олиб борди. Бироқ жанг олдин ташкилот низосига кўра, 27 ёшли Альварес WBC камарига даъвогарлик қила олмаслиги маълум қилинган эди.

Фикрлар

Фикр қолдириш учун авторизациядан ўтинг!