Гризманн гўзал қизни нега йиғлатди?
"Атлетико" тўпурари Антуан Гризман Европа чемпион лигаси доирасида "Байер"га қарши ўтказилган учрашув олдидан гўзал қизни йиғлатгани ошкор бўлди.
Гап шундаки, "Атлетико" футболчилари меҳмонхонадан чиқиб, учрашувга йўл олган вақтда уларни маҳаллий мухлислар қутлаш учун кутиб турганди. Аксарият футболчилар мухлислар билан илиқ муносабатда бўлиб, улар билан суратга тушди, дастхат улашди, суҳбатда бўлди.
Бироқ Антуан Гризманн унинг номи туширилган Франция терма жамоаси футболкасини кўтариб турган қизга қарамай ўтиб кетди. Немис қизи аламидан йиғлаб юборди.
- Қизим ўзи ёқтирган ҳужумчи билан учрашиш учун 200 километр йўл босиб келганди, - дейди мухлиса қизнинг отаси. - У Гризманнинг бепарволигидан хафа бўлди.
Ушбу баҳсда "Байер" ўз майдонида 2:4 ҳисобида мағлуб бўлди. Гризманн эса учрашувда гол уришга эришди.
Фикрлар