Гвардиола “Манчестер Сити”га келадиган инглиз футболчилари номини ошкор қилди
“Манчестер Сити” бош мураббийи Хосеп Гвардиола Англия премьер-лигасида муваффақият қозониш учун жамоа таркиби асосини англиялик футболчилар ташкил қилиши керак деган фикрни билдирди ва ёзги трансферлар бозорида айнан мана шу йўналишда ишлашини маълум қилди.
- Мен таркибимизга кўпроқ инглиз футболчиларни жалб қилмоқчиман, - деди Хосеп Гвардиола. – “Барселона”ни бошқарганимда таркибда испан футболчилари, “Бавария”да немис чарм тўп усталари кўп бўларди. Англияда бундай эмас. Инглиз футболчиларининг нархи жуда баланд. Лекин таркибда бешта-олтита инглиз йигитларни ўйнатишни истайман.
Айни пайтда “Манчестер Сити” асосий таркибида икки нафар англиялик футболчи – Жон Стоунз ва Раҳим Стерлинг ўйнамоқда.
Хосеп Гвардиола ёзда инглизлар - “Арсенал” ярим ҳимоячиси Жек Уилшир, “Тоттенхэм” ҳимоячилари Дэнни Роуз ва Кайл Уокер, “Сандерленд” дарвозабони Жордан Пикфордни олиб келмоқчи.
Фикрлар