“Ҳамма ҳужумга” ёхуд бу мавсум Топ-5 жамоалари орасида энг кўп гол киритган 5 та жамоа

Гол – бу ҳодиса қай спорт турида бўлмасин, жамоага ғалаба олиб келади. Муҳлислар эса айни шу сабаб ўз суюкли жамоаларидан кўпроқ гол талаб этадилар. Биз ҳикоя қиладиган жамоалар эса ўз ана шу муҳлисларини “голлар ёмғири” билан хушнуд этиб келишмоқда ва улар билан сизларни таништирамиз.

2019 йилги Еврокубоклар финали қайси стадионларда бўлиши мумкин?

5. “Пари Сен-Жермен”(Франция) – 82 та гол(35 ўйинда)

Ўртача бир ўйинда 2,34 та гол

Унаи Эмери жамоасида муаммолар талайгина ва айнан шу боис, Франция чемпионатида етакчиликни “Монако” қўлга олган. Қолаверса, ЕЧЛда гуруҳ босқичини 2-ўрин билан якунлагани боис, ⅛ финалда анчайин ноқулай бўлган – “Барселона” билан рўбаро келадиган бўлди. Ибрагимович жамоани тарк этганидан сўнг кўпчилик швециялик футболчининг ўрни “билиниши”ни башорат қилган эди. Амалда Эдинсон Кавани барча масъулиятни ўз зиммасига олиб, кетма-кет голлар киритишда давом этмоқда.

4. “Арсенал”(Англия) – 83(35)

Ўртача бир ўйинда 2,37 та гол

“Арсенал” одатдагидек, чиройли ўйин намойиш этиб, мухлисларни “голлар шоу”си билан хушнуд этган вақтлар жуда ҳам кўп бўлмоқда. Хаттоки ЕЧЛ баҳсларида ҳам “тўпчилар” сермаҳсул ўйин намойиш этиб келишмоқда. Бироқ “Арсенал” ҳар йили қайтарилувчи “ссенарий” – 4 ўриндан юқорига кўтарила олади ёки бунинг акси, бунисини вақт кўрсатади.

3. “Реал”(Испания) – 98(34)

Ўртача бир ўйинда 2,88 та гол

“Реал” худди “Барселона” ва “Монако” билан “100 лик довони”дан тенг босиб ўтиши мумкин эди. Аммо Виго шаҳридаги қор бўронлари сабаб бўлиб, 100 та гол марраси хали ҳамон забт этилгани йўқ. Аммо шундай бўлсада, 34 ўйинда 98 та гол бу фантастик натажа эканини таъкидлаш жоиз. Айтганча, “Реал” 98 голнинг 28 тасини халқаро майдонда киритганини айтиш ёддан кўтарилибди.

2. “Монако”(Франция) – 100(38)

Ўртача бир ўйинда 2,63 та гол

Леонардо Жардим жамоаси ҳозирча барча фронтларда муваффақиятли иштирок этиб келмоқда. монегаскликлар 16 та голни ЕЧЛда ва яна шунча голни Франция кубоги ва Лига кубоги каби мусобақаларда киритган бўлса, қолган 68 гол Франция чемпионатига тўғри келади.

1. “Барселона”(Испания) – 100(36)

Ўртача бир ўйинда 2,78 та гол

Луис Энрике бошлиқ “Барселона” бу мавсумда 100 та гол киритган Европадаги илк жамоа бўлди. 100 та голнинг 1/5 қисми ЕЧЛда киритилгани таҳсинга сазовор. Месси – Неймар – Суарес триоси эса 100 та голнинг 62 тасини киритишган. Ана шунақа гаплар…

Шаҳзод Холбоев тайёрлади