Ибрагимович ярим йил футбол ўйнолмаслиги мумкин

22 апрель, 10:10 368

Ибрагимович ярим йил футбол ўйнолмаслиги мумкин

Италиялик машхур журналист Жанлука Ди Марцио швециялик форвард Златан Ибрагимовичнинг Европа лигаси чорак финалидан ўрин олган “Манчестер Юнайтед” ва “Андерлехт” жамоалари баҳсида олган жароҳати қанчалик жиддий эканлиги ҳақида хабар берди.

Эслатиб ўтиш керакки, Златан ўйиннинг қўшиб берилган дақиқаларида майдонга ноқулай ҳолатда қулади ва жароҳатланди. Шундан сўнг ўйинни давом эттиролмаслигини билдирган швециялик футболчининг ўрнига Антони Марсьяль туширилди.

“Ибрагимовичнинг тизза пайлари қаттиқ жароҳатланган бўлиши эҳтимолдан ҳоли эмас”, - деб ёзади Ди Марцио ўз сайтида.

Тез вақтлар ичида 35 ёшли футболчи чуқурлаштирилган тиббий кўрикдан ўтказилади. Агар унинг жароҳати тасдиқланса, у ҳолда Ибрагимович ярим йил майдонга тушолмасилиги мумкин.

Эслатиб ўтамиз, бундан аввалроқ Sky Sports ҳам Златаннинг бу мавсум бошқа ўйнолмаслигини тасдиқлаган эди.

Моуриньо: Мен – мураббийман, шифокор эмас

Европа лигаси: Рэшфорд қўшимча дақиқаларда гол уриб "МЮ"ни ярим финалга олиб чиқди