Испаниялик мухлислар терма жамоа машғулоти пайтида Пикени ҳақорат қилишди
Испаниялик мухлислар терма жамоа машғулотларида иштирок этаётган “Барселона” ҳимоячиси Херард Пикени ҳақорат қилишди.
Испания терма жамоасининг очиқ машғулотларига ишқибозлар қўлларида “Пике пахмоқ, терма жамоадан йўқол!” деган баннерлар билан ташриф буюришди. Полиция ходимлари эса ушбу баннерларни зудлик билан олиб қўйишди, аммо уларнинг ҳуштакбозликларига қарши тура олишмади.
Мухлислар шунингдек Пикени терма жамоага чақирган бош мураббий Хулен Лопетегини ҳам ҳақорат қилишди. Шундан сўнг мураббийлар штаби машғулотларни эрта тугатишга мажбур бўлишди. Айтиш лозимки, машғулотлар бор йўғи 23 дақиқа давом этди ҳолос.
Эслатиб ўтамиз, бундан аввалроқ Пике Каталония мустақиллиги учун ўтказилган референдумни маъқуллаган эди.
Фикрлар