Истеъдодлар юрти Бразилияда порлай бошлаган янги юлдуз "Барселона" орзусига айланди
Жаҳон футболига жуда кўплаб футбол юлдузларини тарбиялаб берган Бразилия ҳамон "истеъдодлар фабрикаси" бўлиб қолмоқда. Айни пайтда майдонда жавлон ураётган бразилиялик футболчиларнинг энг машҳури Неймар бўлса-да, унинг ортидан келажакда улкан ютуқларга эришишга қодир иқтидорли эгалари етишиб чиқмоқда.
Келажаги порлоқ ана шундай футболчилардан бири - 16 ёшли Винисиус Жуниор Европанинг қатор гранд клублари, хусусан "Барселона"нинг эътиборига тушди. "Фламенго" жамоаси аъзоси ҳисобланган ҳужумчи гранд клубларда тўп суриш имкони туғилганидан ўзини қўярга жой топа олмаётган бўлса-да, хотиржамликни сақлашга ҳаракат қилмоқда.
- Албатта, "Барселона"нинг менга қизиқаётганидан хабарим бор, - деди Винисиус Жуниор. - Бироқ, мен хотиржамликни сақлаган ҳолда "Фламенго"да ўз ишимни яхши бажаришга ҳаракат қилишим керак.
Европа клублари қизиқиш билдираётган Жуниор "Фламенго" билан 2019 йилнинг ёзигача шартнома тузган. Уни қўлга киритмоқчи бўлган клуб 30 миллион евро тўлаши керак.
Фикрлар