Итальян "мафия"си Тоттини "Майами"га чорламоқда
“Рома” клуби ҳужумчиси Франческо Тотти фаолиятини АҚШда давом эттириши мумкин. Бу ҳақда Goal.com нашри хабар тарқатмоқда.
Маълум бўлишича,Италия терма жамоасининг 40 ёшли собиқ ҳужумчисига “Милан” клубидаги ўйинлари билан машҳур бўлган италиялик ҳимоячи, “Майами” клуби бош мураббийи Алессандро Неста қизиқиш билдирмоқда.
Қайд этиш лозим, ушбу клубга Италия терма жамоаси ва “Милан” клуби собиқ ҳимоячиси Паоло Мальдини ва италиялик тадбиркор Риккардо Силвалар эгалик қилишади.
Маълумот ўрнида, Тоттининг “бўрилар” билан тузилган шартномаси 1 июлга қадар мўлжалланган.
Фикрлар