Жэк Уилшир 2,5 йилдан буён илк бор "Арсенал"нинг асосий таркибида майдонга тушди

Аввал хабар берганимиздек кеча Англия премьер-лигасининг 17-турида Лондоннинг икки клуби – “Вест Хэм” ҳамда “Арсенал” ўзаро куч синашишди. Қизиқарли кечган учрашув 0:0 ҳисобида якунланди.

Эътиборлиси, шу куни Жек Уилшир “Арсенал” сафида 2015 йилнинг май ойидан буён илк марта асосий таркибда майдонга тушди. Боиси, англиялик футболчи шундан сўнг орада жароҳатлар билан овора бўлиб қолди ва ўзининг спорт формасини йўқотиб қўйди.

Маълумот учун, "Арсенал" айни дамда премьер-лигада 30 очко билан 7-ўринда бормоқда.