Киевда вазият жиддийми ёхуд “Ливерпуль” мухлисларига ҳужум қилишди (фото+видео)

24 май куни Киевдаги “Олимпийский” стадиони атрофидаги Roоster ресторанида ниқоб тақиб олган нотаниш кимсалар тўдаси “Ливерпуль” мухлисига ҳужум қилишган. Оқибатда инглиз клубининг бир қанча вакиллари жароҳат олишди.

Ҳужум қилганлар тахминан 20 кишига яқин бўлганлиги айтилмоқда. Улар мухлисларга стуль, стол, ойна ва қўлларига илинган бошқа барча нарсаларни улоқтиришган. Тез воқеа жойига етиб келган полиция ходимлари икки нафар жиноятчини ушлашга муваффақ бўлган, бироқ қолганлари яширинишга улгуришган.

Полиция томонидан қўлга олинган қонунбузарлардан бири

– Биз ҳеч қандай ёмон иш қилмагандик, шунчаки кечки овқатни танаввул қилаётгандик, – дейди мухлислардан бири. – Шунда ниқоб таққан одамлар ҳужум қилишди ва ўлига илинган нарсаларни бизга улоқтиришди. Бу даҳшат. Биз бу вазиятда нима бўлаётганини ва нима учун қилаётганини тушунмадик.

Жабрланган "Ливерпуль" мухлисларидан бири

Эслатиб ўтамиз, "Реал" ва "Ливерпуль" жамоалари ўртасидаги финал учрашуви 26 май куни бўлиб ўтади.

Британиялик журналист эса бу воқеанинг маълум қисмини камерага туширишга муваффақ бўлди.