“Ливерпуль” “Барселона” томонидан ўрнатилган рекордни “қулатди”

Айни дақиқаларда ЕЧЛ ярим финалидан ўрин олган “Рома” ҳамда “Ливерпуль” жамоалари ўртасидаги баҳс бўлиб ўтмоқда. Биринчи бўлимдан сўнг ҳисоб ҳозирча “қизиллар” фойдасига – 2:1.

Биринчи бўлимда киритилган икки голдан сўнг бу мавсум “Ливерпуль” футболчилари томонидан ЕЧЛда киритилган голлар сони 46 тага етди. Юрген Клопп жамоасига бунча тўп киритиш учун 14  та беллашув кифоя қилди.

Шу тариқа, мерсисайдликлар нафақат ЕЧЛ, балки, еврокубоклар тарихида бир мавсум давомида энг кўп гол киритган жамоага айланди.

Бундан олдинги реcорд “Барселона”га тегишли эди. 1999/00 йилги мавсумда каталонияликлар ЕЧЛдаги 16 ўйинда  45 бор рақиб дарвозасини ишғол этишган эди.