"Ливерпуль" мухлислари Клоппдан норози

“Ливерпуль” клубининг бир қатор ишқибозлари жамоанинг амалдаги бош мураббийи Юрген Клоппга қарши норозилик акциясини бошлаб юборишди.

Таъкидлаш лозимки яқинда “Твиттер” ижтимоий тармоғида “KloppOUT” (Клопп кет) номли блог пайдо бўлди. Немис мутахассисидан норози мухлислар аллақачон унга “бағишлаб” махсус баннер ҳам тайёрлаб қўйишди. АПЛнинг навбатдаги турида “Бёрнли”га қарши баҳсда ишқибозлар ушбу баннерни “Энфилд” узра учириб олиб ўтиш учун самалёт буюртмасига маблағ йиғишади.

“Юрген Клопп – футбол даҳоси. Қандай ҳимояланишни ҳам билмайди. Ғолиблик кўрсатгичи Дэвид Мойесникидан ҳам паст. Ҳеч қандай соврин йўқ. Ортда қолган хотираларингиз учун раҳмат, лекин, кетиш вақти келди. Клопп – йўқол”, - деб ёзилади ишқибозларнинг махсус баннерида.