"Ливерпуль" янги тўпурарни кутмоқда
Англия премьер-лигасида "Ливерпуль" энг кўп гол ураётган жамоа ҳисобланса-да, Юрген Клопп ўз шогирдлари қаторига яна бир тўпурар футболчини таклиф этмоқчи. "Ливерпуль"да жорий чемпионатда майдонга тушаётган тўрт ҳужумчи, асосий таркибдан ўрин олаётган олти нафар ярим ҳимоячининг барчаси мунтазам рақиб дарвозасини ишғол қилмоқда.
"Ливерпуль" айни пайтда "Сассуоло" ҳужумчиси Доменико Берардига катта қизиқиш билдирмоқда. Мавсум бошида Италия чемпионати ва Европа лигасида саккизта учрашувда еттита гол урган футболчи жароҳати туфайли узоқ вақт даволанди ва эндигина майдонга қайтди.
"Ювентус" жамоаси Доменико Берардини биринчи бўлиб 25 миллион еврога трансфер қилиш ҳуқуқига эга. Футболчига "Интер" ва "Милан" ҳам қизиқмоқда.
Фикрлар