Лондон мэри “Челси” стадионини таъмирлашга рухсат берди

“Стэмфорд Бриж”да мухлислар учун 45 минг ўриндиқ беш карра Англия чемпионига камлик қилмоқда.

Шу сабаб “Челси” Лондон мэри Садик Хандан уй стадионини таъмирлаш учун рухсат олган. Бунинг учун 580 миллион евро сарфланиши кутилмоқда. Клуб хўжайиин Роман Абрамович эса ўриндиқлар сонини 45 мингдан 60 минггача оширишни мақсад қилган. Таъмирлаш ишлари қачон якунига етиши маълум қилинганича йўқ.

“Челси” айни дамда Англия чемпионатида 26 учрашув ўтказиб, 63 очко билан етакчилик қилмоқда.

Маълумот учун: “Стэмфорд Бриж” 1876 йилда гаровга қўйилган. Орадан 29 йил ўтиб, стадион эгаси Гас Мирс “Челси”ни ташкил қилган.