Луис Энрике: “Барселона”га ҳозир муҳаббат керак
“Барселона” жамоаси бош мураббийи Луис Энрике “Леганес”га қарши (2:1) кечган Ла Лига 23-тур ўйинидан кейин каталониялик мухлисларнинг норозилик билдириб хуштак чалганлари ҳақида фикр билдирди.
“Жамоа натижалари учун мухлислар олдида мен жавоб бераман. Биламан, бу жуда оғир, аммо ҳозир футболчиларга хуштаквозлик эмас, муҳаббат керак. Андре Гомешга нима учун хуштак чалганларини тушунмадим.
Ўз жамоаси футболчисига хуштак чалиш бемаъни иш, деб ҳисоблайман. Лекин ҳар бир инсон ўз норозилигини истагандек билдиришга ҳақли. “Барселона”га далда берилса, кучлироқ бўламиз. Бироқ Андре Гомешга нисбатан бўлаётган муносабат асабимга тегяпти”, – деди Луис Энрике.
Фикрлар