Луис Суарес 2-гол киритилган вазиятда қоида бузганини тан олди

“Барселона” жамоаси ҳужумчиси Луис Суарес “Реал”га қарши (2:2) кечган Испания чемпионати 36-тур учрашувидан кейин ўз фикрини билдирар экан, иккинчи гол киритилган вазиятда Мессига тўп узатиш олдидан қоида бузганини тан олди.

“Барселона” ўйин давомида икки марта ҳисобда олдинга чиқиб олди. Сержи Робертонинг четлатилиши бизга салбий таъсир ўтказди, бироқ жамоа ҳимояда яхши ўйнади ва жисмонан бунга тайёр бўлди. Дуранг ёмон натижа бўлмади.

Менимча, иккинчи гол киритилган вазиятда кичик фол бўлганди. “Реал” ҳимоячиси тўп назоратини сақлаб турганди, аммо бу ҳакамнинг қарори. Ҳакам ўйинни давом эттиришга рухсат берганига хайрон қолдим”, – деди Суарес.