ММА жангчиси боксчи Денис Лебедевни жангга чақирмоқда

Бразилиялик ММА жангчиси Фабио Мальдонадо Fight Nights Global 73 мусобақаси доирасида Курбан Омаровни мағлуб этди. Жанг Доғистонда бўлиб ўтди. Шундан сўнг у бокс бўйича оғир вазн тоифасида WBA, IBF версия бўйича жаҳон чемпиони россиялик Денис Лебедевни рингга чақирмоқда.

– Менинг боксдаги натижам 25 ғалаба, 0 мағлубият, – дея Мальдонадонинг сўзларини келтиради Sportbox нашри. – Ўйлайманки, биз Денис Лебедев билан титул учун баҳслаша оламиз.

Эслатиб ўтамиз, Мальдонадо бокс ва ММАда бирдай фаолият олиб бормоқда. У боксдаги сўнгги жангини 2016 йилда ўтказган. Лебедев эса биринчи оғир вазн тоифасида WBA (Super) камарига эгалик қилмоқда. У сўнгги жангда австралиялик Марк Флэнаганни мағлуб қилган.