МЮ ва "Арсенал" Горетцка учун кураш бошлади, аммо...

Мавсум сўнггида эркин агентга айланадиган “Шальке-04” ярим ҳимоячиси Леон Горетцка АПЛ грандларининг жиддий қизиқишларига сабаб бўлмоқда.

Аниқроғи, 22 ёшли Германия терма жамоаси аъзоси учун “Манчестер Юнайтед” ҳамда “Арсенал” жамоалари кураш олиб боришмоқда. Аммо, Горетцка фаолиятини “Барселона” ёки “Бавария”да давом эттиришни кўзламоқда.

Ўз навбатида гельзенкирхенликлар ҳам етакчи футболчиси билан ҳайрлашишни исташмаяпти ва унга йилига 8 миллион евро маошли янги шартнома таклиф қилишмоқда. Қайд этиш лозимки, бу “Шальке” клуби учун рекорд ҳисобланади. Боиси, ҳозирча жамоанинг ҳеч бир аъзоси 4 миллион евродан кўп маош олмайди.