"Манчестер Юнайтед" террорчиликка қарши курашни бошлади
"Манчестер Юнайтед" клуб фаолиятини террорчилик хавфидан ҳимоя қилиш механизмини ишга туширди. Ўтган йилнинг май ойида "Борнмут"га қарши учрашув террорчилик хавфи туфайли кечиктирилганди. Ўшанда "Олд Траффорд" стадионида бомба топилгани учун ҳамма эвакуация қилинганди. Кейин бу сохта бомба экани ва махсус ўқув машғулотлари ўтказилганда унутиб қолдирилгани аниқланди.
Ноябрь ойида эса мухлислардан икки нафари "Олд Траффорд"га уюштирилган экскурция пайти яшириниб олиб, "Арсенал"га қарши ўйинни томоша қилмоқчи бўлган. Улар қўлга олинди ва полицияга топширилди.
Бугунги кунда террорчилик хавфи ортиб бораётганини инобатга олган клуб раҳбарияти терроризмга қарши кураш бўйича янги лавозим очди. Бу ўринга Манчестер полицияси қидирув бўлими собиқ инспектори ишга олинди.
Янги ходим хавфсизликни таъминлаш ишларини стадион тураргоҳига қўйилган машиналарни текшириш ва турникетдан ўтаётган мухлисларни назорат қилишни кучайтиришдан бошлайди.
Фикрлар