Мария Шарапова ўзини қўллаганларни хурсанд қилди
Допинг можароси туфайли дисквалификация муддатини ўтаётган россиялик машҳур теннисчи Мария Шарапова мураккаб вазиятда ўзидан юз ўгирмаган ва теннисдан четлатилган бўлса-да, у билан ҳамкорликни тўхтатмаган Франциянинг Evian брендининг Лос-Анжелесдаги тадбирида иштирок этди.
Оламга машҳур ичимлик сувини ишлаб чиқарувчи мазкур бренд ташкил этган маросимда Мария Шарапова билан бирга америкалик машҳур теннисчи Мэлисон Киз ҳам қатнашди.
- Мэдисонни бу тадбирда кўрганимдан хурсандман ва уни қутлайман, - деди Мария Шарапова. - Биз кўп кулишдик, кайфиятимиз кўтарилди ва муаммоларни унутгандай бўлдик.
Мария Шарапова 26 апрелдан фаол теннисчилик ҳаётига киришиб кетади. Россиялик теннисчи дисквалификациядан сўнг илк ўйинини Штутгарт турнирида ўтказади.
Фикрлар