Машҳур рақибига таслим бўлишни таклиф қилган боксчи рингда ҳаммани ҳайратга солди

Оғир вазнда WBC чемпиони Тони Беллью (29-2-1, 19 КО) яна бир бор бокс жамоатчилигини ҳайратга солди.

Бундан бир йил муқаддам Тони ўзидан кучли ҳисобланган Илунга Макабуни мағлубиятга учратиб, чемпионлик камарига эга чиққан эди.

Бу гал 34 ёшли чарм қўлқоп устаси машҳур боксяи Дэвид Хэй  (28-3, 26 КО) билан бўлган жангда ҳам ҳаммани қойил қолдирди. Гарчи кўпчилик бу баҳсда тажрибали Хэйнинг ғалабасини тахмин қилган бўлса-да, ғалаба Тонига насиб этди.

Жангнинг олтинчи раундида Дэвид Хэй кучли зарбани ўтказиб юборди ва нокдаунга учради. Шу раунда Хэйнинг жароҳати қайталанди.

- Мен жанг давомида Дэвидга учрашувни тўхтатишини таклиф қилдим, - дейди Тони Беллью. - Чунки мен одамларга азоб бериш учун рингга чиқмайман. Кейин унинг мураббийига ҳам нигоҳим билан жангни тўхтатишини айтдим. Дэвид менинг ўнг томондан берган зарбаларимга дош бериб келаётган эди. Лекин у яширин чап қўл зарбам ўта кучли эканини билмасди. Ана шу зарба уни "синдирди".

Ушбу жангни 11-раундида Дэвид Хэй чап қўл зарбасини ўтказиб юбориб, рингга қулади. Унинг мураббийлари рингга оқ соқич ташлаб, мағлубиятни тан олди.

SPORTS.uz