Мбаппе эртага ПСЖ футболчиси сифатида таништирилади

“Монако” ҳужумчиси Килиан Мбаппе бугун ПСЖ учун тиббий кўрикдан ўтгани йўқ.

Бу ҳақда Франция терма жамоаси бош мураббийи Дидье Дешам айтиб ўтди. Мутахассис бунинг сабаби сифатида Франция терма жамоаси ўз базасида йиғин бошлагани билан изоҳлади.

Бундан ташқари, Мбаппе эртага ПСЖда тиббий кўрикдан ўтиши ҳақидаги саволга “Нима учун йўқ”, – деб жавоб берди.

Илгарироқ, “Монако” парижликлар билан Мбаппенинг ижараси борасида келишувга эришгани айтиб ўтилган эди. Унга кўра, ПСЖ келгуси йили “Монако”дан 180 млн еврога Мбаппенинг трансфер ҳуқуқини сотиб олиши айтилган эди.