Мбаппедан айрилган "Монако" ўзига Италиядан зўр ҳужумчи топди

Римнинг "Лацио" клуби ҳужумчиси Бальде Кейта А Серияни тарк этиб, Франция чемпионати томон йўл оладиган бўлди.

Италиялик машхур журналист Жанлука ди Марционинг хабар беришича 22 ёшли футболчининг янги жамоаси “Монако” бўлади. Жамоалар Кейтанинг трансферини 30 млн еврога баҳолашган.

Эслатиб ўтамиз, Бальдега бундан аввалроқ Миланнинг “Интер” ҳамда Туриннинг “Ювентус” каби жамоалари ҳам жиддий қизиқиш билдиришаётган эди.