Menni Pakyao: Jeff Xornga qarshi revansh jangiga tayyorman

Yarim o‘rta vazn toifasining WBO kamari sobiq jahon chempioni 38 yoshli filippinlik Menni Pakyao avstraliyalik Jeff Xornga qarshi kechgan jangidagi hakamlarning qarorini hurmat qilishini aytib o‘tgan. U shuningdek, revansh jangiga tayyor ekanligini ham ma’lum qilgan. Eslatib o‘tamiz, jang Xornning vatanida, Brisbeneda bo‘lib o‘tdi. Hakamlar bir ovozdan 117-111, 115-113, 115-113 hisoblarida uning g‘alabasini ma’qullashdi.

• Menni Pakyao sensatsion tarzda chempionlikni boy berdi

– Bu hakamlarning qarori. Men bunga roziman va hurmat qilaman.So‘zsiz revansh jangiga tayyorman. Shartnomamizda ham shunday shart bor. Shunday ekan bundan muammo chiqmaydi, – deydi Pakyao ESPN US nashriga.