Мессига шумхабар келди
Аргентина терма жамоаси ва “Барселона” клуби етакчи ҳужумчиси Лионель Мессига она шаҳри Росариодан шумхабар келди.
Месси болалигида “Ньюэллс Олд Бойз” жамоасига келганида унга тўп тепишни ўргатган биринчи устози Эрнесто Веккьо Росарио шаҳрида 65 ёшида ҳаётдан кўз юмди.
- Лео “Белла Виста” спорт мажмуасидаги кичик майдонларда тўп тепа бошлаганида, унга устозлик қилганман, - деган эди интервьюлардан бирида Эрнесто Веккьо. – Ўшандаёқ, Месси бошқа болалардан кескин ажралиб турадиган техникасини намойиш қила бошлаган эди.
Эрнесто Веккьо умрининг охирига қадар болаларга футбол сир-асрорларини ўргатиш билан шуғулланди.
Фикрлар